Imos a coñecer o noso concello, de que xeito?, pois camiñando facendo rutas de senderismo, comezamos durante as vacacións pero posiblemente fagamos mais o longo do ano
MAÑA INICIAMOS A PRIMEIRA RUTA DEIXO O QUE PODEMOS VER E AS GRANDES RIQUEZAS DO NOSO ENTORNO
Ruta de sendeirismo “San Cristovo do
Real – Teiguín”: San Cristovo, Muíño do Pino, Renche, Lastres,
Arxús, Freituxe, San Martiño, Samos e Teiguín.
O sábado, 20 de xullo.
A interesante arquitectura popular que aínda se conserva (con máis ou menos
fortuna), o frescor das corgas e carrilleiras (flanqueadas de carballos e
castiñeiros), o murmurio das augas e os trilos dos paxaros nas frondes, case sempre
están presentes nesta ruta.
Saída, ás 9:30, desde o pobo San Cristovo do Real, que se espella no río
Oribio e no regato de Nande.
Cando o sendeiro baixa case a rente do río vemos o Muíño do Pino e, un
pouquiño máis adiante, o lugar do Muíño do Zapateiro. Unha pequena subida sitúanos
no centro de Renche.
Baixamos cara Lastres e Arxús, para ascender despois máis suaves
encostas pola apracible ribeira do Oribio ata chegar a Freituxe.
Antes de subir a San Martiño recreámonos cos bucólicos meandros deste
tramo do río.
Tras cruzar a estrada xeral seguimos a ruta de sendeirismo que descende
cara Samos e, máis tarde, nos leva por terreo plano a área recreativa de
Teiguín.
San Cristovo do Real – Renche:
1,7 km.
Renche – Freituxe: 1,8 km.
Freituxe – San Mariño: 1,1 km.
San Martiño – Samos: 1,4 km.
Samos – Teiguín: 1,9 km.
Distancia total: case 8 km.
Desnivel acumulado nas subidas: uns 170 m.
.
No hay comentarios:
Publicar un comentario